1. Ի՞նչ առավելություններ է տրամադրում O'STIN ԲՈՆՈՒՍ Ակումբային ծրագրին մասնակցությունը։
Արտոնությունները կախված են Ակումբային ծրագրին մասնակցության մակարդակից․

• Քեշբեք միավորների վերադարձ գնումների դիմաց,
• Քեշբեք միավորներով գնումների մինչև 30%-ի վճարում, ներառյալ զեղչված ապրանքները*,
• շահավետ փոխարժեք․ 1 միավորը համարժեք է 1 դրամին,
• նվեր ծննդյան օրվա առթիվ,
• անհատական առաջարկներ,
• փակ ակցիաներին հասանելիություն,
  *Բացառությամբ «Լավագույն գին» մակնշմամբ ապրանքների, Նվեր քարտերի։
  

2. Ինչպե՞ս դառնալ O'STIN ԲՈՆՈՒՍ Ակումբային ծրագրի մասնակից։
O'STIN ԲՈՆՈՒՍ Ակումբային ծրագրին մասնակցելու համար անհրաժեշտ է գրանցվել Հայաստանի տարածքում գործող ցանկացած O'STIN խանութում։

3. Ո՞վ կարող է դառնալ O'STIN ԲՈՆՈՒՍ Ակումբային ծրագրի մասնակից
Ակումբային ծրագրի մասնակից կարող է դառնալ առնվազն 18 տարեկան, Հայաստանի Հանրապետության քաղաքացի հանդիսացող ցանկացած ֆիզիկական անձ։

4. O'STIN ԲՈՆՈՒՍ Ակումբային ծրագրի մասնակցության ի՞նչ մակարդակներ կան։
O'STIN ԲՈՆՈՒՍ Ակումբային ծրագիրն ունի մասնակցության երեք մակարդակ․

• «Բոնուս»՝ գնումների կուտակված գումարը 100 000 դրամից քիչ է,
• «Բոնուս պլյուս»՝ գնումների կուտակված գումարը 100 001 դրամից մինչև 200 000 դրամ է,
• «Բոնուս սուպեր»՝ գնումների կուտակված գումարը 200 001 դրամից շատ է։
  

Մակարդակից կախված՝ տրամադրվում են տարբեր քանակությամբ քեշբեք միավորներ։

5. Ինչպե՞ս անցնել O'STIN ԲՈՆՈՒՍ Ակումբային ծրագրի մասնակցության հաջորդ մակարդակի։
Մասնակցության հաջորդ մակարդակին անցումը տեղի է ունենում ավտոմատ կերպով՝ գնումներից կուտակված գումարի համապատասխան շեմային արժեքին հասնելուց հետո։
Եթե ապրանքի վերադարձի կամ փոխանակման արդյունքում գնումներից կուտակված գումարը համապատասխանի Ակումբային ծրագրի մասնակցության նախորդ մակարդակին, ապա քեշբեք միավորների հաշվարկման ժամանակ կկիրառվի գնումներից կուտակված գումարի ընթացիկ արժեքին համապատասխանող դրույքաչափը։

6. Տեղեկատվությունը անհրաժեշտ է հետևյալի համար․
Տեղեկատվությունը անհրաժեշտ է հետևյալի համար․

• միավորների տրամադրում/ծախսում (SMS նույնականացման, այսինքն՝ բջջային հեռախոսահամարին ուղարկվող հաստատման կոդի միջոցով),
• անցկացվող շահավետ ակցիաների, հատուկ առաջարկների մասին տեղեկատվության տրամադրում:

7. Ինչպե՞ս կարող եմ փոխել իմ կոնտակտային տվյալները։
Լրացրեք նոր գրանցաթերթիկ O'STIN խանութում, և կոնտակտային տվյալները կթարմացվեն գրանցաթերթիկը մշակելուց հետո։

Միավորներ
1. Քանի՞ տեսակի միավորներ կան O'STIN ԲՈՆՈՒՍ Ակումբային ծրագրում։
Կան երկու տեսակի միավորներ՝ քեշբեք միավորներ և ակցիայի միավորներ։ Բոլոր տեսակի միավորները գումարվում են՝ կազմելով ընդհանուր բոնուսային հաշվեկշիռ։

2. Ի՞նչ է քեշբեք միավորը և ինչի՞ համար է այն տրամադրվում։
Քեշբեք միավորները տրամադրվում են ամբողջ արժեքով գնվող ապրանքների գնի յուրաքանչյուր ամբողջական 2500 դրամի համար՝ բացառությամբ զեղչված ապրանքների։
Տրամադրվող քեշբեք միավորների քանակը կախված է մասնակցության մակարդակից։

3. Ի՞նչ քանակի քեշբեք միավորներ են տրամադրվում՝ մասնակցության մակարդակից կախված։
Ամբողջ արժեքով գնվող ապրանքների գնի յուրաքանչյուր ամբողջական 2500 դրամի համար տրամադրվում են հետևյալ քանակությամբ քեշբեք միավորներ*․

• «Բոնուս»՝ 125 քեշբեք միավոր։
• «Բոնուս պլյուս»՝ 175 քեշբեք միավոր։
• «Բոնուս սուպեր»՝ 250 քեշբեք միավոր։

4. Ի՞նչ է ակցիայի միավորը և ինչի՞ համար է այն տրամադրվում։
Ակցիայի միավորները տրամադրվում են ակցիաների շրջանակներում։ Ակցիայի միավորների գործողությունը կարգավորվում է այն ակցիայի պայմաններով, որի շրջանակներում դրանք տրամադրվել են։ Ակցիաների մասին տեղեկատվությանը կարելի է հետևել ostin.am կայքում։

5. Ապրանքի համար միավորներով վճարելու դեպքում ի՞նչ փոխարժեք է գործում։
1 միավոր = 1 դրամ։

6. Ե՞րբ միավորները կհայտնվեն իմ հաշվի վրա։
Քեշբեք միավորները հաշվի վրա հայտնվում են գնումը կատարելուն հաջորդող օրը։
Ակցիայի միավորները հաշվի վրա հայտնվում են՝ համաձայն այն ակցիայի պայմանների, որի շրջանակներում դրանք տրամադրվել են։

7. Ո՞րն է միավորների վավերականության ժամկետը։
Միավորներն ունեն վավերականության ժամկետ։
Քեշբեք միավորները զրոյանում են յուրաքանչյուր տարի՝ մարտի 11-ին։ Ընթացիկ տարվա հունվարի 1-ից մինչև մարտի 10-ը ներառյալ տրամադրված քեշբեք միավորները չեն զրոյանում, այլ ուժի մեջ են մնում մինչև հաջորդ տարվա մարտի 11-ը: ԱԾ շրջանակում գնումներից կուտակված գումարը պահպանվում է:
Ակցիայի միավորների վավերականությունը որոշվում է՝ տվյալ ակցիայի կանոններով սահմանված ժամկետների համաձայն։ Սահմանված ժամկետի ավարտից հետո ակցիայի միավորները զրոյացվում են։

8. Գնումների ո՞ր մասն է հնարավոր վճարել միավորներով։
Միավորներով կարելի է վճարել ապրանքի վերջնական արժեքի մինչև 30%, այդ թվում նաև զեղչված ապրանքներ գնելու դեպքում (բացառությամբ Նվեր քարտերի, «Լավագույն գին» ապրանքների)։

9. Կարո՞ղ եմ փոխարինել միավորները դրամական միջոցներով։
Ոչ, միավորները հնարավոր չէ փոխարինել դրամական միջոցներով։

10. Եթե բոնուսային հաշվին առկա են ինչպես քեշբեք, այնպես էլ ակցիայի միավորներ, միավորների ո՞ր տեսակն առաջինը դուրս կգրվի գնումների համար վճարում կատարելիս։
Բոնուսային հաշվից միավորներով վճարում կատարելիս առաջին հերթին դուրս են գրվում վավերականության ամենափոքր ժամկետ ունեցող միավորները։

11. Եթե վերադարձնեմ ապրանքը, ի՞նչ տեղի կունենա իմ միավորների հետ։
Միավորներով մասամբ վճարված ապրանքը վերադարձնելու դեպքում հաճախորդին փոխհատուցվում է իմ կողմից վճարված գումարը։ Ծախսած միավորները և դրանց վավերականության ժամկետը վերականգնվում են նրա բոնուսային հաշվին։ Գնումների համար տրամադրված քեշբեք միավորները չեղարկվում են, իսկ գնումների մի մասի վերադարձի դեպքում՝ վերահաշվարկվում՝ հաշվի առնելով վերադարձված քանակը և վավերականության սկզբնական ժամկետը։
Գնումներից կուտակված գումարը հաշվարկելիս՝ հաշվի են առնվում նաև ապրանքի վերադարձի գործարքները։ Եթե ապրանքի վերադարձի կամ փոխանակման արդյունքում գնումներից կուտակված գումարը համապատասխանի Ակումբային ծրագրի մասնակցության նախորդ մակարդակին, ապա քեշբեք միավորների հաշվարկման ժամանակ կկիրառվի գնումներից կուտակված գումարի ընթացիկ արժեքին համապատասխանող դրույքաչափը։


12. Որտե՞ղ կարող եմ ստուգել կուտակված միավորների քանակը։
Միավորների քանակի և դրանց վավերականության ժամկետների մասին կարող եք տեղեկանալ O'STIN խանութի դրամարկղում։


13. Կարո՞ղ եմ միավորներն օգտագործել Նվեր քարտի համար վճարելու նպատակով։
Ոչ, միավորները հնարավոր չէ օգտագործել Նվեր քարտ գնելու համար։ Նվեր քարտով վճարված ապրանքների համար միավորները հաշվարկվում են քարտի անվանական արժեքը գերազանցող գումարի մասով:
Ապրանքի համար Նվեր քարտով վճարելու դեպքում հնարավոր է միավորներով զեղչի կիրառում։ Նախ՝ ապրանքի գնի մի մասի համար վճարումը կատարվում է միավորներով, ապա՝ մնացած մասի համար վճարումը կատարվում է Նվեր քարտով։

1. 1ՀԱՊԱՎՈՒՄՆԵՐ ԵՎ ԱՀՄԱՆՈՒՄՆԵՐ

1.1. Հապավումներ.
ԱԾ – O`STIN խանութների Ակումբային ծրագիր:
ՔՄ – քեշբեք միավորներ։
ԱՄ –ակցիայի շրջանակում տրամադրվող միավորներ:
ԱԾ մակարդակ – O`STIN խանութների Ակումբային ծրագրում մասնակցության մակարդակ:

1.2. Տերմիններ և սահմանումներ.

Միավոր – ապագա գնման համար զեղչի հաշվառման միավոր, որի կուտակման և կիրառման կանոնները սահմանվում են մասնակցության սույն Կանոններով:

Բոնուսային հաշիվ – Ընկերության տվյալների բազայում ԱԾ Մասնակցի և նրա Միավորների, գնումների կուտակած գումարի վերաբերյալ տեղեկությունների ամբողջություն:

Ընկերություն – «Օսթին» ՍՊԸ:

Հաճախորդ – ֆիզիկական անձ, որը գրանցված չէ O`STIN խանութների Ակումբային ծրագրում:

O`STIN խանութների Ակումբային ծրագիր (այնուհետև՝ Ակումբային ծրագիր)՝ գնորդների պահմանը և խրախուսմանը, ինչպես նաև առկա Մասնակիցների հավատարմության ընդհանուր մակարդակի բարձրացմանը և դրա նոր Հաճախորդների զարգացմանը ուղղված միջոցառումների համակարգ:

Ակցիայի միավորներ – միավորներ, որոնք կուտակում է Մասնակիցը ԱԾ շրջանակում Ընկերության ակցիաների (պրոմո-ակցիաների) շրջանակում որոշակի գործողություններ կատարելու դիմաց:

ՔՄ/ԱՄ սպառում (օգտագործում, դուրս գրում) – Մասնակցի Բոնուսային հաշվից Միավորների դուրս գրում՝ գնում կատարելիս:

Գրանցում – Հաճախորդի կողմից տվյալների տրամադրում, այդ թվում, սակայն՝ ոչ բացառապես, անձնական տվյալները՝ ԱԾ մասնակցության նպատակով, ինչպես նաև սույն Կարգում նշված այլ հնարավորությունների իրացման համար:

Քեշբեք միավորներ – Միավորներ, որոնք կուտակում է Մասնակիցը ԱԾ շրջանակում ապրանք գնելիս:

Համակարգ (CRM-համակարգ) – կիրառական ծրագրային ապահովում, որը թույլ է տալիս նույնականացնել Հաճախորդին՝ հաղորդակցության բոլոր ուղիներում:

ԱԾ-ում մասնակցության մակարդակ – Մասնակցի կարգավիճակ, որը սահմանում է ԱԾ շրջանակում Մասնակցին տրամադրվող Միավորների քանակը: ԱԾ-ում մասնակցության մակարդակը կախված է ԱԾ-ում մասնակցության ամբողջ ընթացքում կատարված գնումների ընդհանուր գումարից:

Մասնակցության կանոններ – փաստաթուղթ, որը կարգավորում է Ակումբային ծրագրում մասնակցության կարգը և պայմանները, և հասանելի է սպառողին՝ ծանոթացման համար:

Մասնակից – 18 տարին լրացած ֆիզիկական անձ, որը սահմանված կարգով գրանցվել է և դարձել O`STIN խանութների Ակումբային ծրագրի անդամ:

Կտրոն – թղթե կրիչի վրա փաստաթուղթ, որը տեղեկություն է պարունակում կատարված գնման մասին:



2. ԸՆԴՀԱՆՈՒՐ ՏԵՂԵԿՈՒԹՅՈՒՆՆԵՐ

2.1.ԱԾ մասնակից կարող է դառնալ 18 տարին լրացած և գրանցում անցած ֆիզիկական անձը:

2.2. Ակումբային ծրագրում գրանցումը ենթադրում է Հաճախորդի կողմից՝ ԱԾ-ում մասնակցության համար անհրաժեշտ ծավալով տեղեկությունների՝ Ընկերությանը հայտնելու գործողությունների համալիր: Գրանցումը կարող է իրականացվել հետևյալ կերպ. Հաճախորդի կողմից Ընկերության պատասխանատու աշխատակիցներին, Ընկերության տվյալների բազա մուտքագրմամբ, անհրաժեշտ տեղեկությունները բանավոր հայտնելով:

2.3. Ակումբային ծրագրում մասնակցության Պայմաններին կարելի է ծանոթանալ խանութների՝ «Սպառողի անկյունում»:

2.4. Ակումբային ծրագիրը գործում է Հայաստանի Հանրապետությունում գտնվող բոլոր՝ O`STIN խանութներում:

2.5. Ակումբային ծրագրում գրանցվելու պահից սկսած Մասնակիցն ինքնուրույն վերահսկում է իր անձնական տվյալների իսկությունը և ժամանակին թարմացումը (Անուն, Ազգանուն, Հայրանուն, էլեկտրոնային փոստի հասցե): Մասնակիցը կարող է փոփոխել իր անձնական տվյալները՝ դրանք հայտնելով Ընկերության պատասխանատու աշխատակիցներին: Իր անձի վերաբերյալ կեղծ (ոչ ճշգրիտ, ոչ հավաստի) տեղեկություններ հայտնելու, ինչպես նաև հնացած տվյալները ժամանակին չփոփոխելու դեպքում Մասնակիցը ինքն է կրում նման ոչ ճիշտ տեղեկությունների հետ կապված ցանկացած բացասական հետևանքի ռիսկը: Հաշվի առնելով տեղեկությունների ստացման առանձնահատկությունը՝ Ընկերությունը չի ստուգում Ակումբային ծրագրի Մասնակցի կողմից ներկայացված անձնական տեղեկությունների իսկությունը և չի իրականացնում դրա արդիականության վերահսկողություն: Սակայն Ընկերությունը ելնում է նրանից, որ Մասնակիցը տրամադրում է արժանահավատ անձնական տեղեկություններ և հետևում դրանց արդիականությանը: Ոչ հավաստի կամ ոչ արդիական անձնական տեղեկությունների համար ամբողջ պատասխանատվությունը, ինչպես նաև դրա հետևանքները կրում է Մասնակիցը:

2.6. Ակումբային ծրագրի յուրաքանչյուր Մասնակցի համար ստեղծվում է անհատական Բոնուսային հաշիվ: Գնումներ կատարելով և Ընկերության ակցիաներում մասնակցելով Մասնակիցը կուտակում է Միավորներ: Միավորներով կարելի է վճարել հերթական գնման մի մասի համար՝ 1 Միավորը հավասար է 1 դրամի հաշվարկով:

2.7. Միաժամանակ Բոնուսներով կարելի է վճարել ապրանքի մանրածախ գնի մինչև 30%-ի չափով (պայմանով, որ Մասնակցի Միավորների թիվը բավարար է նման գործառնության համար):



3. O`STIN ԽԱՆՈՒԹՆԵՐՈՒՄ ԱԿՈՒՄԲԱՅԻՆ ԾՐԱԳՐԻՆ ԳՐԱՆՑՄԱՆ ԵՂԱՆԱԿԸ

3.1. Գրանցում՝ SMS գրանցմամբ:

3.1.1. Ակումբային ծրագրում գրանցվելու համար Հաճախորդը դրամարկղում հայտնում է իր տվյալները՝ Բջջային հեռախոսահամարը, Անունը, Սեռը, Ծննդյան ամսաթիվը, Էլեկտրոնային հասցեն:

3.1.2. Հաճախորդի կողմից նշված հեռախոսահամարին ուղարկվում է ակտիվացման ծածկագրով SMS հաղորդագրություն, որը ստանալուց հետո Հաճախորդը հայտնում է այն դրամարկղում:

3.1.3. Իսկորոշման ծածկագիրը հայտնելով՝ Հաճախորդը համաձայնում է Ընկերության օգտագործողի համաձայնագրի պայմաններին (O`STIN խանութների Ակումբային ծրագրի վերաբերյալ Կարգի Հավելված 3):

3.1.4. Սույն Մասնակցության պայմանների 3.1.1. - 3.1.3. կետերում թվարկված բոլոր գործողություններից հետո ԱԾ-ում գրանցումն ավարտված է:



4. ԱԿՈՒՄԲԱՅԻՆ ԾՐԱԳՐՈՒՄ ՄԱՍՆԱԿՑՈՒԹՅԱՆ ՄԱԿԱՐԴԱԿԻ ՏԵՍԱԿԸ

4.1.Գոյություն ունի Ակումբային ծրագրում մասնակցության երեք մակարդակ: Ակումբային ծրագրում մասնակցության Մակարդակի տեսակը կախված է Ակումբային ծրագրում մասնակցության ժամանակահատվածում կատարված գնումների կուտակված գումարից, կամ Ակումբային ծրագրի շրջանակում մեկանգամյա գնման գումարից.

ԱԾ մասնակցության մակարդակ - Գնումների գումարը՝ հաջորդ մակարդակ անցնելու համար
«ԲՈՆՈՒՍ» - 10,00-ից 100 000,00 դրամ (ներառյալ)
«ԲՈՆՈՒՍ-ՊԼՅՈՒՍ» - 100 001,00-ից 200 000,00 դրամ (ներառյալ)
«ԲՈՆՈՒՍ-ՍՈՒՊԵՐ» - 200 001,00 դրամից ավելի


5. ԲՈՆՈՒՍՆԵՐԻ ՏՐԱՄԱԴՐՈՒՄ

5.1. O`STIN խանութներում գնումներ կատարելիս և (կամ) Ընկերության ակցիաներում (պրոմո-ակցիաներում) մասնակցելիս՝ Մասնակիցը գնման գումարը կուտակում է Բոնուսային հաշվին և ստանում է Միավորներ:

5.2. Ակումբային ծրագրի գործողության շրջանակում Բոնուսային հաշվին կուտակվում են ՔՄ՝ գնման յուրաքանչյուր ամբողջական 2500,00 դրամի դիմաց, որոնք կարող են օգտագործվել O`STIN խանութներում: Բոնուսային հաշվին կուտակվող ՔՄ քանակը կախված է Ակումբային ծրագրում Մասնակցության մակարդակից և գնման կոնկրետ գումարից: ՔՄ չեն կուտակվում կտրոնում մինչև 2500,00 դրամի գնումների համար, սակայն գնման գումարը հաշվի է առնվում Ակումբային ծրագրում Բոնուսային հաշվի վրա: ՔՄ գումարը, որը կուտակվում է գնման յուրաքանչյուր ամբողջական 2500,00 դրամի համար՝ կախված Ակումբային ծրագրում Մասնակցության մակարդակից.

Մասնակցության մակարդակ - Տրամադրվող Պարբերական բոնուսային միավորների քանակը
«ԲՈՆՈՒՍ» - 125 Միավոր
«ԲՈՆՈՒՍ ՊԼՅՈՒՍ» - 175 Միավոր
«ԲՈՆՈՒՍ ՍՈՒՊԵՐ» - 250 Միավոր

5.3. ՔՄ տրամադրվում են Բոնուսային հաշվին գնումը կատարելուց հետո 1 (մեկ) օրվա ընթացքում: Օգտագործել դրանք կարելի է դրանց կուտակմանը հաջորդող օրը:

5.4. Բոլոր O`STIN խանութներում Միավորները տրամադրվում են ցանկացած ապրանք գնելիս՝ բացառությամբ զեղչված ապրանքների: Այսինքն՝ ՔՄ-ը կուտակվում են այն ապրանքը գնելու համար, որի համար զեղչ չի նախատեսված (սեզոնային զեղչեր, ակցիայի շրջանակում ներառված ապրանք և այլն): Զեղչերի շրջանում, ինչպես նաև զեղչված ապրանքի (սեզոնային զեղչեր, ակցիայում ներառված ապրանքներ, այլ) համար ՔՄ չեն կուտակվում, թեև գնումների գումարը ֆիքսվում է ԱԾ Մասնակցի Բոնուսային հաշվում:

5.5. Նվեր (ակցիայի շրջանակում) բոնուսային միավորները տրամադրվում են Մասնակիցներին՝ Ընկերության ակցիաների (պրոմո-ակցիաների) անցկացման ժամանակ: ՆԲՄ-ի գումարը որոշվում է կոնկրետ ակցիայի (պրոմո-ակցիայի) պայմաններով: Ընկերությունն ինքնուրույն է սահմանում ակցիաների (պրոմո-ակցիաների) ժամկետը և պայմանները: Կոնկրետ ակցիայի (պրոմո-ակցիայի) անցկացման պայմանները հասանելի են O`STIN խանութներում՝ «Սպառողի անկյունում»:

5.6. Միայն ԱԾ Մասնակիցների շրջանակներում անցկացվող միջոցառումների շրջանակներում Մասնակիցների ակտիվությունը խթանելու, լոյալությունը բարձրացնելու և վերջիններիս անձնական տվյալները ստուգելու նպատակով՝ Ընկերությունը կարող է իրականացնել տարաբնույթ միջոցառումներ Միավորների հաշվեգրման, ոչ ավել քան 30% զեղչի տրամադրման միջոցով, որոնք ունեն գործողության տարբեր ժամկետներ։




6. ՄԻԱՎՈՐՆԵՐԻ ՕԳՏԱԳՈՐԾՈՒՄ:

6.1. Գնում կատարելիս Մասնակցին ընտրելու հնարավորություն է տրվում. օգտագործել կուտակած Միավորները կամ պահպանել (չծախսել) ավելի վաղ կուտակած Միավորները՝ ընթացիկ գնումը կատարելիս:

6.2. Միավորները օգտագործելու և կուտակելու համար Մասնակիցը պետք է ԱԾ-ում անցնի իսկորոշում՝ Մասնակցության սույն Կանոնների բաժին 8-ին համապատասխան:

6.3. Եթե Մասնակիցը, գնման համար վճարելիս, իր համաձայնությունն է տալիս օգտագործել կուտակած Միավորները, ապա Միավորները դուրս կգրվեն ապրանքի՝ մանրածախ գնի մինչև 30%-ի չափով, հաշվի առնելով, որ դուրս գրելիս Միավորները կլորացվում են մինչև մեկը՝ դեպի նվազում: Ընդ որում՝ կատարված գնման համար Միավորների կուտակումը և օգտագործումը կլինի Մասնակցության Պայմաններին համապատասխան: Մասնակցի կողմից՝ Միավորները օգտագործել հրաժարվելու դեպքում, ավելի վաղ կուտակած Միավորները դուրս չեն գրվի ընթացիկ գնումը կատարելիս և, Մասնակցի Բոնուսային հաշվին կկուտակվեն Միավորներ՝ մասնակցության Պայմանների համաձայն:

6.4. O`STIN խանութներում Միավորներով միաժամանակ կարելի է վճարել ապրանքի, այդ թվում՝ զեղչված ապրանքի, մանրածախ գնի մինչև 30%-ի չափով:

6.5.Միավորներով վճարում կատարելիս Միավորները դուրս են գրվում 10 միավոր քայլով: Միավորների դուրս գրման նվազագույն հնարավոր քանակը 10 Միավոր է:

6.6. Միավորները ծախսվում են ժամանակագրական կարգով. առաջին հերթին օգտագործվում են գործողության ավելի վաղ ավարտվող ժամկետ ունեցող Միավորները:

6.7. Միավորները ենթակա չեն կանխիկ դրամական միջոցների փոխանակման:

6.8. Միավորները տրամադրվում է Նվեր քարտերի գնման համար:

6.9. Գնման՝ Նվեր քարտով վճարված մասի համար Միավորներ չեն տրամադրվում. դրանք տրամադրվում են գնման այն մասի համար, որի դիմաց վճարումը կատարվել է դրամական միջոցներով:

6.10. ՔՄ/ԱՄ միջոցով վճարված գնման մասի համար Միավորներ չեն կուտակվում. դրանք կկուտակվեն գնման այն մասի համար, որի համար վճարումը կատարվել է դրամական միջոցներով:

6.11. Միավորները չի կարելի օգտագործել Նվեր քարտ գնելիս, այսինքն՝ գնվող Նվեր քարտի կամ մի քանի Նվեր քարտերի արժեքի մի մասի համար վճարում չի թույլատրվում:

6.12. Բոնուսային հաշվին առկա Միավորների քանակը, ինչպես նաև դրանց շրջանառության մասին կարելի է իմանալ.
- ostinclub@ostin.com էլեկտրոնային փոստային հասցեով,
- խանութի դրամարկղում:


7. ՄԻԱՎՈՐՆԵՐԻ ԳՈՐԾՈՂՈՒԹՅԱՆ ԺԱՄԿԵՏԻ ԱՎԱՐՏԸ:

7. ՄԻԱՎՈՐՆԵՐԻ ԳՈՐԾՈՂՈՒԹՅԱՆ ԺԱՄԿԵՏԻ ԱՎԱՐՏԸ:

7.1. Տրամադրված ՔՄ ժամկետային են՝ չօգտագործված Միավորները զրոյացվում են յուրաքանչյուր տարվա մարտի 11-ին: Ընթացիկ տարվա հունվարի 01-ից մինչև մարտի 10-ը կուտակված միավորները չեն զրոյանում, այլ ուժի մեջ են մնում մինչև հաջորդ տարվա մարտի 11-ը: Գնումների կուտակված գումարը պահպանվում է:

7.2. ԱՄ-ն ունեն գործողության ժամկետ, որը սահմանվում է Ընկերության կողմից: Եթե միաժամանակ գործում են ԱՄ-ով մի քանի ակցիաներ, ապա գնումների դիմաց վճարում կատարելիս առաջին հերթին դուրս են գրվում գործողության ավելի վաղ ավարտվող ժամկետ ունեցող ԱՄ-ը:



8. ՄԱՍՆԱԿՑՈՒԹՅՈՒՆ՝ ԱԿՈՒՄԲԱՅԻՆ ԾՐԱԳՐՈՒՄ:

8.1. SMS իսկորոշում:

8.1.1. SMS իսկորոշման ծառայությունը թույլ է տալիս Ակումբային ծրագրի մասնակիցներին օգտագործել Միավորները և ստանալ Միավորներ՝ ընթացիկ գնումների համար՝ բջջային հեռախոսով իսկորոշման միջոցով:

8.1.2. Ծառայությունը հասանելի է Հայաստանի Հանրապետության տարածքում գտնվող բոլոր O`STIN խանութներում օգտագործման համար:

8.1.3. Ակումբային ծրագրի Մասնակիցներին ծառայությունը մատուցվում է անվճար:

8.1.4. SMS իսկորոշման ծառայությունից օգտվելու համար Ակումբային ծրագրի մասնակիցը պետք է.

8.1.4.1. Իր մոտ ունենա բջջային հեռախոս, որը նշվել է Ակումբային ծրագրում գրանցվելիս:

8.1.4.2. Գնում կատարելիս դրամարկղի աշխատակցին պետք հայտնի գրանցման ժամանակ նշված բջջային հեռախոսի համարը:

8.1.4.3. Նշված հեռախոսահամարին իսկորոշման ծածկագրով SMS ստանալուց հետո հայտնի ծածկագիրը դրամարկղի աշխատակցին:

Նշված բոլոր թվարկված գործողությունները հաջողությամբ իրականացնելուց հետո Ակումբային ծրագրի մասնակիցը հնարավորություն է ստանում օգտագործել Միավորները և ստանալ Միավորներ՝ ընթացիկ գնման համար:

8.1.5. Մեկ հաստատող ծածկագիրը կարելի է օգտագործել միայն մեկ գնման համար: SMS իսկորոշման գործընթացը յուրաքանչյուր գնման համար պետք է անցնել առանձին:

8.1.6. ԱԾ-ում գրանցում անցնելու միջոցով Ակումբային ծրագրի Մասնակիցները հաստատում են, որ տեղեկացված են և համաձայն են, որ ծառայությունը կարող է ժամանակավորապես անհասանելի լինել՝ կախված այնպիսի հանգամանքներից, որոնց համար Ընկերությունը չի կրում և չի կարող կրել պատասխանատվություն, և որոնք գտնվում են Ընկերության անմիջական վերահսկողությունից դուրս, ներառյալ, սակայն չսահմանափակվելով՝ ցածր ազդանշանով, բջջային ցանցերի բարձր ծանրաբեռնվածությամբ և այլն:

8.1.7. Եթե մասնակիցը նշել է սխալ ծածկագիր (կամ չի կարողացել նշել այն՝ հեռախոսը տանը թողած լինելու պատճառով), սակայն Համակարգը հեռախոսահամարով կարողացել է նույնականացնել նրան, ապա Մասնակիցը «կկապակցվի» գնմանը՝ Միավորների կուտակմամբ՝ առանց Միավորներն օգտագործելու հնարավորության կամ հավելյալ արտոնությունների ստացման, եթե դրանց հասանելիությունը նախատեսված է միայն SMS իսկորոշմամբ:


9. ՄԱՍՆԱԿԻՑՆԵՐԻ ՀԱՄԱՁԱՅՆՈՒԹՅՈՒՆԸ ԱՆՁՆԱԿԱՆ ՏՎՅԱԼՆԵՐԻ ՄՇԱԿՄԱՆԸ:

9.1. Ակումբային ծրագրի մասնակիցները հաստատում են Ընկերության համաձայնությունն իրենց անձնական տվյալների մշակմանը՝ ստացման, հավաքագրման, գրանցման, համակարգման, կուտակման, պահման, ճշգրտման (թարմացման, փոփոխման), քաղման, օգտագործման, փոխանցման (տարածման, տրամադրման, հասանելիության), դիմազրկման, արգելափակման, հեռացման, ոչնչացման միջոցով, թե՛ ավտոմատացման միջոցների կիրառմամբ, այդ թվում՝ ինֆորմացիոն-հեռահաղորդակցական ցանցերում, և թե՛ առանց նման միջոցների կիրառման:

9.2. Ակումբային ծրագրի Մասնակիցները համաձայնություն են տալիս, որ Ընկերությունը՝ հատուկ առաջարկներն իրենց ուղարկելու, նոր ապրանքների և գովազդային ակցիաների մասին տեղեկացնելու, նրանց հարցումների և դիմումների դիտարկումը կազմակերպելու, իրենց անձնական տվյալների, ինչպես նաև այլ՝ Ակումբային ծրագրում մասնակցության նպատակով իրենց կողմից հայտնած տեղեկությունների մշակումը հանձնարարի այլ անձի կամ կազմակերպությունների, որոնք իրականացնում են գրանցում, այդ թվում, սակայն չսահմանափակվելով համակարգմամբ, կուտակմամբ, ճշգրտմամբ, պահմամբ, քաղմամբ, հատուկ առաջարկների անմիջական ուղարկմամբ, նոր ապրանքների և գովազդային ակցիաների մասին տեղեկացմամբ, հարցումների և դիմումների մշակմամբ, ինչպես նաև Մասնակցի կողմից հայտած անձնական տվյալների և այլ տեղեկությունների ոչնչացմամբ:

9.3. Ընկերության կողմից սահմանված կարգով գրանցում անցնելիս Ակումբային ծրագրի Մասնակիցները հաստատում են էլեկտրակապի ցանցերով Ընկերության կողմից հետևյալ բովանդակության տեղեկություններ ստանալու համաձայնությունը (ներառյալ, սակայն չսահմանափակվելով՝ SMSհաղորդագրություններով, էլեկտրոնային փոստով ծանուցումներով, հեռախոսակապով, ինտերնետ ցանցով).

O`STIN խանութներում գնման համար հասանելի՝ հատուկ առաջարկների, ակցիաների և ապրանքների վերաբերյալ գովազդային բնույթի տեղեկություններ,

Ակումբային ծրագրի վերաբերյալ տեղեկություններ,

Ակումբային ծրագրի Մասնակցի Միավորների գումարի և գործողության ժամկետների վերաբերյալ տեղեկություններ,

Ակումբային ծրագրի մասնակցի հարցումների, հայտերի և դիմումների արդյունքների վերաբերյալ տեղեկություններ:

Ընկերությունից տեղեկություններ են ուղարկվում նաև Ակումբային ծրագրի շրջանակում կողմի նույնականացման, Մասնակիցներին արդյունավետ հաճախորդային աջակցության տրամադրման և O`STIN խանութների Ակումբային ծրագրերի շրջանակում այլ նպատակներով:

Տեղեկությունների ուղարկման պարբերականությունը սահմանում է Ընկերությունը:

O`STIN խանութների Ակումբային ծրագրի մասնակցության շրջանակում Ընկերությունը կարող է ուղարկել նաև այլ տեղեկություններ:

Ակումբային ծրագրի Մասնակիցները կարող են հրաժարվել Ընկերության կողմից տեղեկություններ ստանալուց՝ դիմելով տեղեկատու ծառայությանը ostinclub@ostin.com փոստի հասցեով: Ընկերության կողմից տեղեկություններ ստանալուց հրաժարվելու համար անհրաժեշտ է հայտնել բջջային հեռախոսահամարը, որը նշվել է Ակումբային ծրագրում գրանցվելիս:


10. ՄԱՍՆԱԿՑԻ ԱՆՁՆԱԿԱՆ ՏՎՅԱԼՆԵՐԻ ՄՇԱԿՄԱՆ ՊԱՅՄԱՆՆԵՐԸ ԵՎ ԴՐԱՆՑ ՓՈԽԱՆՑՈՒՄԸ ԵՐՐՈՐԴ ԱՆՁԱՆՑ:

10.1. Ընկերությունը պահպանում է և մշակում է Մասնակցի կողմից տրամադրված և նշված անձնական տեղեկությունները՝ Օգտագործողի համաձայնագրի, գործող նորմատիվային ակտերի, ինչպես նաև դրանց հիման վրա ստեղծված ներքին կանոնակարգերի դրույթներին համապատասխան:

10.2. Պահպանվում է Մասնակցի անձնական տվյալների գաղտնիությունը, բացառությամբ այն դեպքերի, երբ Մասնակիցը կամովի տրամադրում է ինքն իր մասին տեղեկությունները՝ անսահմանափակ թվով անձանց ընդհանուր հասանելիությամբ, ինչպես նաև Հայաստանի Հանրապետության օրենսդրությամբ սահմանված դեպքերի:

10.3. Ընկերությունը պաշտպանում է Մասնակցի անձնական տվյալները՝ օրենսդրության պահանջներին համապատասխան, որոնք ներկայացվում են նմանատիպ ինֆորմացիայի պաշտպանության նկատմամբ, և պատասխանատվություն է կրում նման ինֆորմացիայի պաշտպանության անվտանգ մեթոդների կիրառման համար:

10.4. Ընկերությունը կիրառում է անհրաժեշտ և բավարար տեխնիկական և վարչական միջոցներ Մասնակցի անձնական տվյալների պաշտպանության, դրանց պատշաճ օգտագործման և չարտոնված և/կամ պատահական հասանելիությունն այդ տվյալներին կանխելու համար: Մասնակցի կողմից տրամադրվող անձնական տվյալները պահվում են սահմանափակ հասանելիությամբ սերվերներում, որոնք տեղակայված են հսկող տարածքներում:

10.5. Հետևյալ դեպքերում Ընկերությունն իրավունք ունի Մասնակցի անձնական տվյալները փոխանցել երրորդ անձանց (այդ թվում՝ կազմակերպությունների, որոնք գրանցում են, համակարգում են, կուտակում են, ճշգրտում են, պահում են, քաղում են, անմիջական՝ Մասնակցին են ուղարկում հատուկ առաջարկները, տեղեկացնում են նոր ապրանքների և գովազդային ակցիաների մասին, մշակում են հարցումները և դիմումները, ինչպես նաև իրականացնում են անձնական տվյալների ոչնչացում).

10.5.1. Մասնակիցն ակնհայտորեն իր համաձայնությունն է տվել նման գործողությունների համար՝ որպես Ակումբային ծրագրի Մասնակից գրանցվելով և դրանով ծրագրի պայմաններն ընդունելով,

10.5.2. Փոխանցումն անհրաժեշտ է Մասնակցի կողմից որոշակի ծառայությունից օգտվելու համար, կամ Մասնակցին ծառայություն մատուցելու համար, սույն կանոններին համապատասխան պարտավորությունների կատարման համար,

10.5.3. Փոխանցումը նախատեսված է Հայաստանի Հանրապետության օրենսդրությամբ կամ այլ կիրառելի օրենսդրությամբ՝ օրենսդրությամբ սահմանված ընթացակարգի շրջանակում:

Ակումբային ծրագրի Մասնակիցների անձնական տվյալները մշակելիս Ընկերությունն առաջնորդվում է անձնական տվյալների պաշտպանության մասին Հայաստանի Հանրապետության օրենսդրությամբ:



11. ԱՅԼ ՊԱՅՄԱՆՆԵՐ

11.1. Մասնակիցը կարող է ուղղել իր առաջարկները, նկատողությունները և բողոքները Տեղեկատու ծառայություն՝ ostinclub@ostin.com փոստային հասցեով:

11.2. Ընկերությունն իրավունք է վերապահում միակողմանիորեն փոփոխելու Ակումբային ծրագրում Մասնակցության կանոնները և այլ կապակցված փաստաթղթերը՝ առանց որևէ հատուկ ծանուցման:

11.3. Ակումբային ծրագրում Մասնակցության կանոններում և այլ կապակցված փաստաթղթերում փոփոխությունները և/կամ լրացումները, որոնք Կատարողը կատարում է միակողմանիորեն, ուժի մեջ են մտնում խանութի «Սպառողի անկյունում» հրապարակվելու պահից: Ակումբային ծրագրում Մասնակցության կանոններում և այլ կապակցված փաստաթղթերում փոփոխությունների և/կամ լրացումների հրապարակումը խանութի «Սպառողի անկյունում», համարվում է նման փոփոխությունների և/կամ լրացումների մասին պաշտոնական ծանուցում:

11.4. Ակումբային ծրագրում Մասնակցության կանոններում և այլ կապակցված փաստաթղթերում փոփոխությունները և/կամ լրացումները, որոնց Կատարողը կատարում է օրենսդրության փոփոխությամբ պայմանավորված, ուժի մեջ են մտնում օրենսդրական տվյալ ակտերում փոփոխությունները ուժի մեջ մտնելու հետ միաժամանակ:


ՕԳՏԱԳՈՐԾՈՂԻ ՀԱՄԱՁԱՅՆԱԳԻՐ (ԱՆՁՆԱԿԱՆ ՏՎՅԱԼՆԵՐԻ ՄՇԱԿՄԱՆ ՀԱՄԱՁԱՅՆՈՒԹՅՈՒՆ)

ՍՈՒՅՆՈՎ ԻՄ ՀԱՄԱՁԱՅՆՈՒԹՅՈՒՆՆ ԵՄ ՏԱԼԻՍ «ՕՍԹԻՆ» ՍՊԸ-ին՝ իմ կողմից տրամադրված անձնական տվյալների մշակում իրականացնելու (ստացման, գրանցման, հավաքագրման, համակարգման, կուտակման, պահպան, ճշգրտման (թարմացման, փոփոխման), քաղման, օգտագործման, փոխանցման (տարածման, հասանելիության տրամադրման (այդ թվում՝ արտասահմանյան պետություններ՝ Անձնական տվյալների պաշտպանության մասին Հայաստանի Հանրապետության օրենքին համաձայն)), դիմազրկման, արգելափակման, հեռացման, ոչնչացման, այդ թվում՝ ավտոմատացման և հաշվողական տեխնիկայի, ներառյալ՝ տեղեկատվական-հեռահաղորդակցական ցանցերի կիրառմամբ, կամ առանց նման միջոցների կիրառման) նպատակով, ինչպես նաև հանձնարարել մշակումը այլ անձի կամ կազմակերպությունների, որոնք իրականացնում են գրանցում, այդ թվում, սակայն չսահմանափակվելով համակարգմամբ, կուտակմամբ, ճշգրտմամբ, պահմամբ, քաղմամբ, հատուկ առաջարկների անմիջական ուղարկմամբ, նոր ապրանքների և գովազդային ակցիաների մասին տեղեկացմամբ, հարցումների և դիմումների մշակմամբ, ինչպես նաև անձնական տվյալների թերթիկում նշված այլ տեղեկությունների ոչնչացմամբ՝ Ընկերության կողմից Ակումբային ծրագրի շրջանակում պարտավորությունների կատարման նպատակով և հատուկ առաջարկներն ինձ ուղարկելը կազմակերպելու, նոր ապրանքների և գովազդային ակցիաների մասին տեղեկացնելու, իմ հարցումները և դիմումները մշակելու համար: Նաև իմ համաձայնությունն եմ հայտնում գովազդային ակցիաների, հատուկ և /կամ նոր առաջարկների, ապրանքների, գովազդային ակցիաների և Ակումբային ծրագրի Մասնակիցների համար ծրագրերի, այդ թվում (սակայն ոչ՝ բացառապես) էլեկտրակապի ցանցերով, ներառյալ, սակայն չսահմանափակվելով, Viber մեսինջերով ծանուցմամբ, SMS ծանուցմամբ, էլեկտրոնային փոստով ծանուցմամբ, հեռախոսակապով, ինտերնետ ցանցով և բջջային սարքերով տեղեկությունների ինձ ուղարկմանը: Օգտագործողի սույն համաձայնությունը Համաձայնագրի պայմաններին, այդ թվում՝ անձնական տեղեկությունների մշակման կարգին, գործում է 5 տարի ժամկետով՝ ավտոմատ երկարացման պայմանով, եթե այն հետ կանչված չի եղել: Համաձայնությունը կարող է հետ կանչվել ցանկացած պահի՝ ostinclub@ostin.com էլեկտրոնային հասցեով գրավոր ծանուցում ուղարկելու միջոցով: Սույն օֆերտայի պայմաններն ընդունելով՝ ես հաստատում եմ, որ իմ կողմից նշված տվյալները ճիշտ են և նշված կոնտակտային տվյալները անձամբ իմն են, ինչպես նաև ընդունում եմ ոչ ճշգրիտ տեղեկությունների տրամադրման համար պատասխանատվությունը: